Tuesday, July 12, 2011

ముక్కోతి కొమ్మచ్చి - అప్పుతచ్చులు .....ప్రింటర్ కి బుడుగ్గాడు ప్రైవేటు చెప్పేయటం ఖాయం


ఈ రోజు రమణ గారి ముక్కోతి కొమ్మచ్చి విడుదలైంది. ఆత్రంగా వెళ్లి తెచ్చుకుని రెండు మూడు గంటలు దాన్ని తనివితీరా చూసుకుని చదువుదామని తెరిచానో లేదో చిన్న ఝలక్.

రమణ గారే వెళ్ళిపోయి తొందరపడ్డారని బాధపడుతుంటే ముక్కోతి కొమ్మచ్చి ప్రింటర్ ఆయనకన్నా తొందరపడ్డాడు. పదహారో పేజీ తర్వాత ముప్పై రెండో పేజీ వరకు చివరాఖరి పేజీలు (117-131)  పెట్టేసి అనంతమైన రమణ గారి కబుర్లని ఆదిలోనే అంతానికి చేర్చేసాడు. మళ్ళీ పదహారు పేజీల తర్వాత నాలుక్కరుచుకుని  ముప్ఫై మూడో పేజీ నుంచీ చివరి పేజీ (131) వరకు వరసలో ఉంచాడు. అంటే ఈ సినిమాలో క్లైమాక్స్ పదహారో రీల్లోనే ఒక సారి చూపించేస్తాడన్నమాట. ఏదో ఒక పుస్తకం లో అంటే అనుకోచ్చు. మూడు పుస్తకాలు కొన్నా. మూడిటి కథా అంతే. ఈ తప్పు పబ్లిషర్స్ త్వరలోనే సవరించుకుంటారని ఆశిస్తున్నా. (అప్పుడు మళ్ళీ ఇంకో మూడు కొంటా. మొత్తం మూడు జతల సెట్లన్న మాట :)))) )





మరి పదిహేడు నుంచీ ముప్ఫై రెండో పేజీ వరకూనో అంటారా? .......అవి లేవనే కదా ఈ పోస్ట్ పెట్టింది. ఆ పేజీల్లో ఏముందో పబ్లిషర్లె చెప్పాలి. :)